Traone
Ich zaog de traone rollen
Oet heùr öugskes blouw;
Ze waos wie e viuulke
Naat vaan hiemeldouw.
Ich dach: dat is de leefde
Die ze zich getrouw
Heet veurgebeeld en die heùr
Brink deen harterouw.
Mer nein et waos e mieske
Wat ze hauwe wou,
Dat had ze doed gevònde
's Mörges in zen kouw.
En daorum rolde traonen
Oet heùr öugskes blouw,
En waos ze wie' viuulke
Naat vaan hiemeldouw.
Juli 1864.
Klik hier om naar de vorige pagina te gaan